Müğənni aktyordan ayrıldı

Türkiyəli müğənni Alya ilə aktyor Yılmaz Kunt 1,5 illik münasibətlərinə son qoyublar.

Hazırda “Kadife Kelepçe” serialında rol almağa hazırlaşan Alya və Yılmaz Kunt uzun müddətdir birlikdə yaşayırdılar. Cütlük hər zaman əl-ələ görüntülənir, bir-birlərinə olan sevgilərini açıq şəkildə nümayiş etdirirdilər. Hətta bir-birlərinin adlarını barmaqlarına döymə şəklində yazdırmışdılar.

Lakin son günlərdə məlum olub ki, Alya və Yılmaz Kunt fikir ayrılığı səbəbindən münasibətlərini bitirib. İddialara görə, Alya artıq barmağındakı döyməni də sildirməyi planlaşdırır.

Xatırladaq ki, Alya “Camdakı kız” serialında canlandırdığı “Laz Kızı” obrazı ilə tamaşaçıların böyük rəğbətini qazanmışdı.