Aktyor oğlunu bağışlayıb

Məşhur aktyor Pirs Brosnan 20 il əvvəl imtina etdiyi oğlu Kristoferlə yenidən görüşüb.

Aktyor oğlu narkotik asılılığından qurtulmaq istəmədiyi üçün ondan imtina etmişdi.

Bu barədə "RadarOnline" məlumat verib. Mənbələrə görə, aktyor bu yaxınlarda Londonda bütün oğulları - övladlığa götürülmüş Dilan və bioloji Kristofer ilə birlikdə şam yeməyində görülüb. Şahidlər onların xoşbəxt göründüyünü söyləyib.

Brosnan nəhayət Kristoferin narotikdən müalicə olunduğunu yaxınları ilə bölüşüb.

Oğlan hətta bir dəfə həddindən artıq dozadan komaya düşüb. Vəziyyət o qədər pisləşib ki, Pirs onunla bütün əlaqələrini kəsmək məcburiyyətində qalıb. 2005-ci ildə aktyor baş verənlərdən çaşqın olduğunu və şoka düşdüyünü etiraf edib, lakin başqa çıxış yolu görməyib.

"O, bu ailədəki hər kəsi, amma ən əsası özünü sınaqdan keçirib. O, vəziyyətdən necə çıxacağını bilir, amma istəmir" deyə, Brosnan o vaxt bildirib.