Aktyor səhnəyə qayıdıb

Məşhur aktyor Makoley Kalkin “Evde tək” (“Home Alone”) filminin 35 illiyi üçün çəkilmiş xüsusi videoda yenidən "Kevin Makkallister" obrazına qayıdıb.

Yeni reklam çarxı “Home But Not Alone” (“Evdə, amma tək deyil”) adlanır. Videoda artıq böyümüş "Kevin" uşaqlıqda etdiyi kimi evi oğrulardan deyil, bu dəfə anasını mənzildəki mümkün təhlükələrdən qoruyur.

Çarx "Home Instead" adlı evdə qayğı xidməti göstərən şirkət tərəfindən hazırlanıb. Videoda Kevin anası üçün təhlükəsizlik planı qurur – döşəməni sürüşməz edir, təhlükəli əşyaları yığışdırır, həyəti daha təhlükəsiz hala gətirir.

Çarxda orijinal filmdəki bəzi məşhur səhnələrə də nostalji şəkildə istinadlar yer alıb.