Fərid Məmmədovu “Malmö” arenaya belə yola saldılar

Fərid Məmmədov qaldığı oteldən “Avroviziya -2013” mahnı müsabiqəsinin keçiriləcəyi böyük “Malmö” arenaya yollanarkən izdihamla qarşılaşıb. 

    Fərid Məmmədov qaldığı oteldən “Avroviziya -2013” mahnı müsabiqəsinin keçiriləcəyi böyük “Malmö” arenaya yollanarkən izdihamla qarşılaşıb. Muz Tv-nin məlumatına görə, hər kəs bu il həm yaraşığı, həm də səsi ilə “Avroviziya” müsabiqəsinin favorit iştirakçısı seçilən Fəridlə şəkil çəkdirib, ona sevgisini nümayiş etdirib.

    Kameramıza üz tutub öz həyəcanını ifadə edən Fərid bu möhtəşəm müsabiqə gecəsi bütün Türk dünyasından dəstək gözlədiyini söyləyib. Azərbaycan nümayəndə heyətinin rəhbəri Hüsniyyə Məhərrəmova Fərid Məmmədovun bu gün məhz qələbə ilə vətənə dönəcəyinə inandığını bildirib.

    “Avroviziya-2011”-in qaliblərindən biri Eldar Qasımov da Fəridə dəstək olmağı özünə borc bilib və hətta o, qalib gəlmək üçün bəzi gizli qalan nüansları da açıqlamaqdan çəkinməyib.

    Sonda onu da bildirək ki, təmsilçimiz Fərd Məmmədov “Hold Me” adlı mahnı ilə 26 ölkə arasından 20-ci səhnəyə çıxacaq. Final mərhələsi Bakı vaxtı ilə saat 00.00-da başlayacaq.

 

Çinarə Nurməmmədova

Səbuhi Əhədov

 

Muz-Tv.az