Ədalət Şükürov şeirlərdən ibarət albom təqdim edəcək- eksklüziv

Bu ilin onun üçün düşərli olduğunu söyləyən Əməkdar Artist Ədalət Şükürov gələn il ilə bağlı olan planlarını MUZ TV Azərbaycan kanalı ilə bölüşüb.

Muztv.az xəbər verir ki, sənətçi 2018-ci ildə ölkəmizdə və Dağıstan Respublikasında konsert proqramı ilə çıxış edəcəyini deyib:

“Gələn il martın 8-də Dağıstanda konsertdə olacağam. Yayda isə “Yaşıl teatr”da konsert verəcəyəm”.

Müğənni yaxın zamanda şeirlərdən ibarət albom və 3 yeni ifasını təqdim edəcəyini bildirib:

“Albom on beş şeirdən ibarət olacaq. Onu artıq hazırdır. İki azərbaycan və bir türk dilində olan yeni mahnılarımı tamaşaçıların ixtiyarına verəcəyəm”.

Əməkdar Artist serial və film təkliflərini rədd etməsinin səbəbini də açıqlayıb:

“Seriallardan təkliflər çoxdur. Təəssüf olsun ki, mən ciddi bir serial görmürəm. Ciddi, gözəl bir layihə olsa, mütləq iştirak edərəm. Komediya ola bilər, ya da müharibə ilə bağlı filmdə çəkilə bilərəm. Obraz mənə uyğun gəlsə yox demərəm”.

Bununla bağlı süjetə dekabrın 21-i saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Günel Əliyeva