Səidə Sultan solo konsert vermək üçün pul axtarır - eksklüziv

Müğənni Səidə Sultan MUZ TV Azərbaycan kanalına müsahibəsi zamanı maraqlı nüanslara toxunub.

Muztv.az xəbər verir ki, müğənni konsert verməkdə çətinlik çəkdiyini dilə gətirib:

“Mən özüm konsert verə bilmərəm. Mənə mütləq şəkildə şirkətlər lazımdır ki, o konserti maliyələşdirsin. Oxumağı, rəqs etməyi mənim işimdir. Bəlkə təkliflər gələr, ancaq özüm bunu edə bilmərəm. Şirkətlər bəlkə də qorxur ki, birdən alınmaz. Gərək qapı-qapı düşəsən, onu da heçkim etməz”.

İfaçı “Azərbaycan şou-biznesində kasıb müğənni varmı?” sualına belə cavab verib:

“Azərbaycanda kasıb insan yoxdur. Düzdür, insanlar bəzə gileylənirlər. Hara gedirsən hamının maşını, evi var. Kasıbçılıq azlıq təşkil edir. Başqa ölkələrdəki kimi acından ölən yoxdur. Hamı bir parça çörəyini tapıb, yeyir. Eləcə də müğənni. Elə müğənni var tanınmış adamdı, amma işi gücü yoxdur. Hamını dolandıran Allahdır. Hara baxırsan, hamı kef edir”.

Bununla bağlı süjetə dekabrın 23-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Günel Əliyeva