Qala gecəsinə dəvət olunmayan aktyor: “Mənim işim çəkiliş meydanında bitir”
Aktyor Kamran Ağabalayev MUZ TV Azərbaycan kanalına məxsusi açıqlama verib.
Muztv.az xəbər verir ki, o, Türkiyənin məşhur aktyoru Burak Özçivit və müğənni-aktyor Murat Bozla baş rollarını bölüşdüyü “Kardeşim benim 2” komediya filmindəki yaratdığı gürcü polis obrazından danışıb:
“Kastinqdə çox adam iştirak edirdi. Sadəcə mənim menecerimə təklif gəldi. Sınaq çəkilişi edib, göndərdik. Artıq bu Türkiyədə 5-ci işim idi. “Kardeşim benim 2”dən əvvəl “Tərk edilmiş”, “Kız kaçıran”, “Atçalı Kel Mehmet”, “İstanbul sokakları” adlı film və seriallarda rol almışdım. Müəyyən qədər məni Türkiyədə tanıyırdılar. Bildiyiniz kimi, filmdə Gürcü dilində danışıram. 20 gün, bir ay ərzində məşqlər etdim”.
Ekran əsərində gürcü dilində danışan aktyor müxtəlif dillərdə danışmaq bacarığının olduğunu söyləyib.
Bu il noyabrın 30-da aktyor Burak Özçivitin iştirakı ilə “Kardeşim benim 2” filminin Bakıdakı qala gecəsinə Kamran Ağabalayevin qatılmaması maraq doğurmuşdu. Hətta təşkilatçıların Kamranı qalaya dəvət etmədikləri məlum olmuşdu.
Kamran Ağabalayev isə bu söz-söhbətlərə belə münasibət bildirib:
“Heç bir incikliyim olmamışdı. Çağırılmamışam, eybi yox. Mənim işim çəkiliş meydanında bitir. Ondan sonra qalaya çağırsalar da sağ olsunlar, çağırmasalar da…Buna görə inciməyə dəyməz”.
Bununla bağlı süjetə dekabrın 30-da saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Sevda Məmmədova
Muztv.az xəbər verir ki, o, Türkiyənin məşhur aktyoru Burak Özçivit və müğənni-aktyor Murat Bozla baş rollarını bölüşdüyü “Kardeşim benim 2” komediya filmindəki yaratdığı gürcü polis obrazından danışıb:
“Kastinqdə çox adam iştirak edirdi. Sadəcə mənim menecerimə təklif gəldi. Sınaq çəkilişi edib, göndərdik. Artıq bu Türkiyədə 5-ci işim idi. “Kardeşim benim 2”dən əvvəl “Tərk edilmiş”, “Kız kaçıran”, “Atçalı Kel Mehmet”, “İstanbul sokakları” adlı film və seriallarda rol almışdım. Müəyyən qədər məni Türkiyədə tanıyırdılar. Bildiyiniz kimi, filmdə Gürcü dilində danışıram. 20 gün, bir ay ərzində məşqlər etdim”.
Ekran əsərində gürcü dilində danışan aktyor müxtəlif dillərdə danışmaq bacarığının olduğunu söyləyib.
Bu il noyabrın 30-da aktyor Burak Özçivitin iştirakı ilə “Kardeşim benim 2” filminin Bakıdakı qala gecəsinə Kamran Ağabalayevin qatılmaması maraq doğurmuşdu. Hətta təşkilatçıların Kamranı qalaya dəvət etmədikləri məlum olmuşdu.
Kamran Ağabalayev isə bu söz-söhbətlərə belə münasibət bildirib:
“Heç bir incikliyim olmamışdı. Çağırılmamışam, eybi yox. Mənim işim çəkiliş meydanında bitir. Ondan sonra qalaya çağırsalar da sağ olsunlar, çağırmasalar da…Buna görə inciməyə dəyməz”.
Bununla bağlı süjetə dekabrın 30-da saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Sevda Məmmədova