Pop-rok ifaçısı Lətifə Soyuöz yeni mahnı və klip planlarını açıqladı - eksklüziv - foto

Azərbaycan şou-biznesinin sevilən, cazibədar və performanslı müğənnisi Lətifə Soyuöz MUZ TV Azərbaycan kanalına açıqlama verib.

Muztv.az xəbər verir ki, pop-rok ifaçısı yeni il təbriklərini çatdıraraq, 2017-ci ildə qazandığı uğurlarından və 2018-ci ildə gözləntilərindən danışıb.

“Mənə 2017-ci il həddindən artıq düşərli oldu. Hər şey istədiyim kimi olmasa da, gözləntilərimi yeni ilə saxlamışam. Amma çox şeylərdə, arzularım çin oldu. Konsertlərimiz, tədbirlərimiz baş tutdu. “Səni məndən alan dünya” mənə uğur gətirdi. Ümumi həyatımda da hər şey yaxşı idi.”

Lətifə Soyuöz "2018-ci ildə onu hansı uğurlar gözləyir" sualına belə cavab verib:

“2018-ci ildən gözləntilərim çox böyükdür. Çünki 2018-in əvvələrində yeni mahnımız təqdim ediləcək. Ona olduqca maraqlı, heç kimin toxunmadığı mövzuda klip düşünülür”.

Xatırladaq ki, sənətçi rok janrında tək olduğu üçün darıxdığını və təkliyin maraqsız olduğunu bildirib.

Bununla bağlı süjetə yanvarın 5-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Hüseyn İbadlı