Murad Dadaşov “Pole Çudes” verilişində rezonans doğuran iştirakının sirrini və məqsədini bizə açıqladı – foto
Əməkdar Artist Murad Dadaşov MUZ TV Azərbaycan kanalına Rusiyanın Birinci televiziya kanalında yayımlanan “Pole Çudes” verilişində olan çıxışından və qarşıda olan yeni layihələri barədə maraqlı açıqlama verib.
Muztv.az xəbər verir ki, teleaparıcı sürpriz kimi dəvət olunduğu “Pole Çudes”də olan xoş təəssüratlarını bölüşüb:
“Mənə o verilişdə iştirak etmək üçün dəvət gələndə, təəccübləndim. Dedim mənim “Pole Çudes”də nə işim var? Nə evdar xanımam, nə dəfələrlə verilişə krasvord yollayan insanam, üstəlik verilişi çoxdandır izləmirdim. Amma 27 il efirdə olan proqramda qonaq olmaq olduqca xoş idi. Bir televiziya adamı kimi, orada iştirak etmək, abu-havası ilə tanış olmaq mənim üçün rəmzi xarakter daşıyırdı. Fikirləşdim ki, “Beynəlxalq Çay Günü” vacib gündür. Mən proqrama qalib gəlmək niyyəti ilə qatılmamışdım. Sadəcə istədim ki, Azərbaycanımızı təmsil edim, nailiyyətlərimiz barədə qısaca da olsa, məlumat səsləndirim. Hədiyyələrimi belə təqdim etmək istəyirdim. Rusiyanın Birinci televiziya kanalında çıxış etmək hər gün nəsib olmur. Orada Azərbaycan, “Qarabağ” futbol klubunun adının çəkilməsi mənim üçün xüsusi önəm kəsb edirdi. Əsl niyyətim də bu idi ”.
Murad Dadaşov özünün də “Maşın”da iştirak edəcəyi təqdirdə başına gələ biləcək hadisəni nəql edib:
“Bu “Maşın”da hədiyyə təyyarə olacaq. Onda özüm şouda iştirak edəcəm (gülür). Əgər mən şouda iştirakçı olsaydım, hamı elə ilk olaraq məni şoudan uzaqlaşdıracaqdı. 100% bu belə olacaqdı. Onu da bilirəm ki, sona qalsaydım maşını elə özüm aparararam. Belə şoulara gəlməyənləri də başa düşürəm və hər kəsi də dəvət etmirəm. İstərdim həm onu tanısınlar, həm də şou marağı olsun. Kimsə deyir ki, pul ödəyib gəldilər, sponsoru var, mən belə şeyləri önəmli saymıram”.
Sevilən şoumen növbəti “Maşın” şoudan da söz açıb:
“Növbəti “Maşın” haqqında maraqlı ideyalarımız var. Hətta adi vətəndaşlar da iştirakçı ola bilər, niyə də yox? Bu layihəni 15-ci sürətdə etmək istəyirdik. İki fərqli komandanın qarşıdurması maraqlı olardı. Ola bilər ki, yeni ideyalar sırasında bu da yer alsın. Amma bir sual da var ki, seçdiyimiz tamaşaçıları hansı meyarlara əsasən seçək?”
Murad Dadaşov tezliklə tamaşaçılara təqdim edəcəyi “Ağlama” şousundan da bəhs edib:
“Ağlama” şousunun indi hazırlıq dövrüdür. Format belədir ki, gülməyi, güldürməyi bacaran, xüsusi intellekt sahibi olan maraqlı insanlar bir araya gələcəklər. Onlar şouda iştirak edərək bir fayda qazanmalıdırlar. Qazandıqları da təbii ki, pul olacaq. Kim gəlib bizi güldürə bilsə, mütləq pulunu da qazana biləcək”.
Xatırladaq ki, Murad Dadaşov bu yaxınlarda 39 yaşını qeyd etmişdi.
Bununla bağlı süjetə dekabr ayının 29-u saat 19:00-da MUZ TV Azərbaycan kanalıda efirə gedəcək “Muz Life” verilişində baxa bilərsiniz.
Lamiyə Balacayeva
Muztv.az xəbər verir ki, teleaparıcı sürpriz kimi dəvət olunduğu “Pole Çudes”də olan xoş təəssüratlarını bölüşüb:
“Mənə o verilişdə iştirak etmək üçün dəvət gələndə, təəccübləndim. Dedim mənim “Pole Çudes”də nə işim var? Nə evdar xanımam, nə dəfələrlə verilişə krasvord yollayan insanam, üstəlik verilişi çoxdandır izləmirdim. Amma 27 il efirdə olan proqramda qonaq olmaq olduqca xoş idi. Bir televiziya adamı kimi, orada iştirak etmək, abu-havası ilə tanış olmaq mənim üçün rəmzi xarakter daşıyırdı. Fikirləşdim ki, “Beynəlxalq Çay Günü” vacib gündür. Mən proqrama qalib gəlmək niyyəti ilə qatılmamışdım. Sadəcə istədim ki, Azərbaycanımızı təmsil edim, nailiyyətlərimiz barədə qısaca da olsa, məlumat səsləndirim. Hədiyyələrimi belə təqdim etmək istəyirdim. Rusiyanın Birinci televiziya kanalında çıxış etmək hər gün nəsib olmur. Orada Azərbaycan, “Qarabağ” futbol klubunun adının çəkilməsi mənim üçün xüsusi önəm kəsb edirdi. Əsl niyyətim də bu idi ”.
Murad Dadaşov özünün də “Maşın”da iştirak edəcəyi təqdirdə başına gələ biləcək hadisəni nəql edib:
“Bu “Maşın”da hədiyyə təyyarə olacaq. Onda özüm şouda iştirak edəcəm (gülür). Əgər mən şouda iştirakçı olsaydım, hamı elə ilk olaraq məni şoudan uzaqlaşdıracaqdı. 100% bu belə olacaqdı. Onu da bilirəm ki, sona qalsaydım maşını elə özüm aparararam. Belə şoulara gəlməyənləri də başa düşürəm və hər kəsi də dəvət etmirəm. İstərdim həm onu tanısınlar, həm də şou marağı olsun. Kimsə deyir ki, pul ödəyib gəldilər, sponsoru var, mən belə şeyləri önəmli saymıram”.
Sevilən şoumen növbəti “Maşın” şoudan da söz açıb:
“Növbəti “Maşın” haqqında maraqlı ideyalarımız var. Hətta adi vətəndaşlar da iştirakçı ola bilər, niyə də yox? Bu layihəni 15-ci sürətdə etmək istəyirdik. İki fərqli komandanın qarşıdurması maraqlı olardı. Ola bilər ki, yeni ideyalar sırasında bu da yer alsın. Amma bir sual da var ki, seçdiyimiz tamaşaçıları hansı meyarlara əsasən seçək?”
Murad Dadaşov tezliklə tamaşaçılara təqdim edəcəyi “Ağlama” şousundan da bəhs edib:
“Ağlama” şousunun indi hazırlıq dövrüdür. Format belədir ki, gülməyi, güldürməyi bacaran, xüsusi intellekt sahibi olan maraqlı insanlar bir araya gələcəklər. Onlar şouda iştirak edərək bir fayda qazanmalıdırlar. Qazandıqları da təbii ki, pul olacaq. Kim gəlib bizi güldürə bilsə, mütləq pulunu da qazana biləcək”.
Xatırladaq ki, Murad Dadaşov bu yaxınlarda 39 yaşını qeyd etmişdi.
Bununla bağlı süjetə dekabr ayının 29-u saat 19:00-da MUZ TV Azərbaycan kanalıda efirə gedəcək “Muz Life” verilişində baxa bilərsiniz.
Lamiyə Balacayeva