Roza Zərgərli doğru yol göstərdi: “Vətəndən kənara getməyək” - məsləhət

Müğənni Roza Zərgərli MUZ TV Azərbaycan kanalına maraqlı açıqlama verib.

Muztv.az xəbər verir ki, müğənni həmkarı Xəyyam Nisanovun “Azərbaycanda kasıb müğənni yoxdur” sözlərinə fərqli münasibət bildirib:

“Bimirəm Xəyyam onu hansı fikir ilə deyib. O qədər ağıllı və savadlı oğlandır ki, fikrini maddi tərəfdən yox, zəkanı, sənəti vurğulayıb ki, kasıb müğənni yoxdur. Maşallah, səhnədə hamı ağıllıdır”.

Roza Zərgərli müğənnilərimizin xarici ölkələrin şou-biznesinə daxil olmaq istədiklərini, lakin uğurlu nəticə əldə edə bilmədiklərini açıqlayıb:

“Türk, rus və digər ölkələrin ifaçıları Azərbaycana gəlib məşhurlaşa bilərlər. Bizim şou-biznesdə onları sıxan insanlar olmayacaq, ancaq dəstəkləyəcəklər. Başqa dövlətlərdə şou aləmin qanunları fərqlidir. Buradan gedən ifaçılar maddi və mənəvi ziyan çəkirlər. Biz elə burada yaradaq, oraya sənətimizi təqdim edək. Bəhrəsini görək, amma vətəndən kənara getməyək”.

Bununla bağlı süjetə yanvarın 17-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Günel Əliyeva