“Güldürmək ağlatmaqdan çox çətindir” - aktrisa Dilarə Əliyeva səmimi etiraf etdi
Bir çox film və seriallarda rol alan Əməkdar Artist Dilarə Əliyeva MUZ TV Azərbaycan kanalına sənəti ilə bağlı özəl açıqlama verib.
Muztv.az xəbər verir ki, aktrisa geridə qoyduğumuz 2017-ci ilin onun üçün çox düşərli olduğunu deyib:
“2017-ci il mənim üçün məhsuldar oldu. Ən azından ona görə sevdiklərim yanımdadır. O ki qaldı sənət həyatımıza, “Hoqqa” filmini təqdim etdik, “Baldız” serialında çəkilirəm. Tamaşaçılar serialı o qədər sevdilər ki, artıq mənə “baldız” deyə müraciət edirlər. Məni görəndə xoş sözlər deyirlər, bundan gözəl heç nə ola bilməz. O hissi yaşayıram”.
Dilarə Əliyeva 2018-ci ildə gözləntilərini də açıqlayıb:
“Sağlıq olsun, 2018-ci ildə serialımız davam edəcək. Eyni zamanda yay ayında iki böyük filmə də imza atacağıq. Onların üzərində çalışırıq”.
Növbəti çəkiləcəyi film barədə ətraflı danışmaq istəməsə də, Dilarə baş xəbərə çevriləcək filmə imza atacağını söyləyib:
“Məhəllə” kimi film inşallah ki, olacaq. Hamı gözləsin. Düşünürəm ki, bu xəbəri tamaşaçılar alanda, sevinclərinin həddi-hüdudu olmayacaq. Aktyor heyətində yenə də hər kəsin sevdiyi simalar yer alacaq. Bu barədə hələ ki, ətraflı danışa bilmirəm, icazəm yoxdu. Bilsəniz, bu dəqiqə baş xəbərə çevrilə bilər”.
Əməkdar Artist özünü daha çox komediya janrında olan filmlərdə tapdığını etiraf edib:
“Bəli, hesab edirəm ki, məndə komediya daha yaxşı alınır. Əslində, bu janr ciddi janrdır. Ciddi alınmasının səbəbi də odur ki, komediyamızda bir neçə konkret simalar var, onların tamaşaçı ordusu yaranıb. Həmin ordunu da arxalarınca apara bilirlər. Dram janrında komediyda olan aktyorların sayı qədər aktyor olmadığına görə tamaşaçı izləməsində bir qədər axsaqlıq var. Nə zamanki türklərin Burak Özcivitindən, Kıvanç Tatlıtuğundan bizdə də olacaq baxılma sayı da çox olacaq”.
Bundan əlavə, aktrisa tamaşaçını güldürməyin ağlatmaqdan daha çətin olduğunu etiraf edib:
“Komediyada qurşaqdan aşağı zarafat etmədən, dram janrında da bunu abartmadan, ciddi sənət şəklində təqdim etsən, hər ikisi çox çətindir. Amma mən özümü bir aktrisa kimi komediya janrında daha rahat hiss edirəm, çünki uzun illərdir tamaşaçını buna inandıra-inandıra gəlmişik. Mənə elə gəlir ki, mən dram janrında çapalayıram. Bununla da çox xoşbəxtəm, nəticə olaraq güldürmək çox çətindir”.
Xatırladaq ki, Dilarə Əliyeva rejissor Oktay Əliyevin həyat yoldaşıdır.
Bununla bağlı süjetə yanvarın 18-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva
Muztv.az xəbər verir ki, aktrisa geridə qoyduğumuz 2017-ci ilin onun üçün çox düşərli olduğunu deyib:
“2017-ci il mənim üçün məhsuldar oldu. Ən azından ona görə sevdiklərim yanımdadır. O ki qaldı sənət həyatımıza, “Hoqqa” filmini təqdim etdik, “Baldız” serialında çəkilirəm. Tamaşaçılar serialı o qədər sevdilər ki, artıq mənə “baldız” deyə müraciət edirlər. Məni görəndə xoş sözlər deyirlər, bundan gözəl heç nə ola bilməz. O hissi yaşayıram”.
Dilarə Əliyeva 2018-ci ildə gözləntilərini də açıqlayıb:
“Sağlıq olsun, 2018-ci ildə serialımız davam edəcək. Eyni zamanda yay ayında iki böyük filmə də imza atacağıq. Onların üzərində çalışırıq”.
Növbəti çəkiləcəyi film barədə ətraflı danışmaq istəməsə də, Dilarə baş xəbərə çevriləcək filmə imza atacağını söyləyib:
“Məhəllə” kimi film inşallah ki, olacaq. Hamı gözləsin. Düşünürəm ki, bu xəbəri tamaşaçılar alanda, sevinclərinin həddi-hüdudu olmayacaq. Aktyor heyətində yenə də hər kəsin sevdiyi simalar yer alacaq. Bu barədə hələ ki, ətraflı danışa bilmirəm, icazəm yoxdu. Bilsəniz, bu dəqiqə baş xəbərə çevrilə bilər”.
Əməkdar Artist özünü daha çox komediya janrında olan filmlərdə tapdığını etiraf edib:
“Bəli, hesab edirəm ki, məndə komediya daha yaxşı alınır. Əslində, bu janr ciddi janrdır. Ciddi alınmasının səbəbi də odur ki, komediyamızda bir neçə konkret simalar var, onların tamaşaçı ordusu yaranıb. Həmin ordunu da arxalarınca apara bilirlər. Dram janrında komediyda olan aktyorların sayı qədər aktyor olmadığına görə tamaşaçı izləməsində bir qədər axsaqlıq var. Nə zamanki türklərin Burak Özcivitindən, Kıvanç Tatlıtuğundan bizdə də olacaq baxılma sayı da çox olacaq”.
Bundan əlavə, aktrisa tamaşaçını güldürməyin ağlatmaqdan daha çətin olduğunu etiraf edib:
“Komediyada qurşaqdan aşağı zarafat etmədən, dram janrında da bunu abartmadan, ciddi sənət şəklində təqdim etsən, hər ikisi çox çətindir. Amma mən özümü bir aktrisa kimi komediya janrında daha rahat hiss edirəm, çünki uzun illərdir tamaşaçını buna inandıra-inandıra gəlmişik. Mənə elə gəlir ki, mən dram janrında çapalayıram. Bununla da çox xoşbəxtəm, nəticə olaraq güldürmək çox çətindir”.
Xatırladaq ki, Dilarə Əliyeva rejissor Oktay Əliyevin həyat yoldaşıdır.
Bununla bağlı süjetə yanvarın 18-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva