Səidə Sultan yerli  ifaçılara qiymət verilməməsinə iradını bildirir - özəl etiraz 

Hər hərəkəti ilə gündəm yaradan Səidə Sultan müğənnilərin tamaşaçılara düzgün təqdim edilməməsinə etirazını bildirib.

Muztv.az xəbər verir ki, səhnəmizin Sultanı müğənnilərin sevgisiz toplum olduğunu vurğulayıb.

Səidə xarici ölkələrdə bir-birinə xoşagəlməz münasibət bəsləyən həmkarlarını da qınayıb.

Sənətçi xarici ulduzlarla birgə qonaq olduğu verilişlərdə yerli  ifaçılarımıza qiymət verilməməsinə iradını bildirib:

“Mən istəyərəm xarici ölkədə elə bir halla rastlaşım. Həmin adamı nə edəcəyimi özüm bilim. Cavab vermək dərəcəsini özüm ona göstərim. Bəzən bizə qonaqlar gəlir, bizimkilər onları şah-şahanə edib, göyə qaldırırlar. Efirlərin birinə qonaq gəlmişdi, o, qıza 3 dənə, mənə isə 1 mahnı oxutdurdular. O qədər pisimə gəldi ki...O nə deməkdir? Əgər sən mənə qiymət vermirsənsə, mən niyə başqasından inciyim, küsüm? Mənə azərbaycanlı kimi hörmət etmirsən, başqasının üstünə qaçırsan?!”

Müğənni bir-birinin uğuruna sevinməyən həmkarlarına da etiraz edib.

Bununla bağlı süjetə yanvarın 22-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz. 

Sevda Məmmədova