“Onun gülüşünə o qədər ehtiyacım var ki...”- Sənanın oğul sevgisi 

“Şeron” qrupunun keçmiş üzvü Sənan Əlizadə MUZ TV Azərbaycan kanalına açıqlamasında sənətində yaranan durğunluğa aydınlıq gətirib. İfaçı efirdən kənar düşməsini evliliyi ilə əlaqələndirib.

Muztv.az xəbər verir ki, gənc yaşda ata olan müğənni övladına qarşı biganə qala bilmədiyini söyləyib.

Qayğıkeç ata olduğunu bildirən Sənan ən önəmli dəqiqələrini sənətinə yox, oğluna ayırmağa üstünlük verdiyini deyib:

“Altı aylıq oğlum var. Başım ailəmə qarışdı. İlk övladım olduğu üçün biganə qalıb, öz işlərimin arxasınca gedə bilmirəm. Həm də, onun gülüşünə o qədər ehtiyacım var ki...”

Övladından ağızdolusu danışan sənətçi başqa mövzuya da toxundu. İfaçı var-dövlətini göz önündə nümayiş etdirən həmkarlarını qınayıb:

“Bahalı avtomobil, evini nümayiş etdirmək sadəcə göstərişdir. Bunu gündəmdə qalmaq üçün edirlər. Bahalı toylara getməklə həmin maşını qazandıqlarını deyirlər. Bir az da toyun qiymətini qaldırır. Mən də orta səviyyədə dolanan biriyəm. Olsa da, insan təvazökar olmalıdır.”

Bununla bağlı süjeti yanvarın 24-də saat 19:00-da MUZ TV Azərbaycan kanalında efirə gedəcək “Muz Life” verilişində izləyə bilərsiniz. 

Sevda Məmmədova