Elnarə od püskürdü - "O, heç vaxt müğənni almaz"
Müğənni Elnarə Xəlilova MUZ TV Azərbaycan kanalında yayımlanan “SorğuMUZ” layihəsində şəxsi həyatı ilə bağlı maraqlı açıqlama verib.
Muztv.az xəbər verir ki, sənətçi öncə karyerasına başladığı “W-trio” qrupunun dağılma səbəblərindən və Röya, Natavan ilə maraqlı gənclik xatirələrindən danışıb:
“Dünya praktikasına, yaranan bütün qrupların fəaliyyətinə nəzər salsaq görərik ki, heç bir qrup uzunömürlü olmayıb. Ayrılıqlar, yerdəyişmələr normaldır. Hətta bir evin içində belə eyni ata-ananın uşaqları oyuncağı bölə bilmirlər. Fikir ayrılıqları müxtəlif xarakterli insanlar arasında mütləq ki, yaşanacaq. Natavan, Röya və mən elə gülməli şeylərin üstündə dava edirdik. Pomada, corab, səhnədə kim harda dayanacaq onun üstündə mübahisələr edirdik. İndi yadıma düşəndə gülməyim gəlir. Deyirəm gör biz nəyin davasını etmişdik. Qrupun dağılmasının bir neçə səbəbi var idi. Qrupdan ilk Röya getdi, tez də solo karyeraya başladı. Sonra mən. Vaqif müəllimə bəhanə gətirdim ki, ailə quracağam. Amma evlənmədim, onda 23 yaşım vardı. Ən son Natavan tərk etdi. İçimizdə ən etibarlı elə Natavan çıxdı”.
Elnarə ailə həyatının onu xeyli dəyişdiyini və hər zaman özünə tənqidi yanaşdığını qeyd edib:
“Solo karyerama başlayanada mən şıltaq bir qız idim. 23-24 yaşında bir qız necə ola bilərdisə, mən onu oynayırdım. Araz aşığımdan idi, Kür topuğumdan(gülür). Qısa ətək də geyinirdim, ailə-uşaq yox, dünya- aləm vecimə deyildi. Yaş, ailə məni dəyişdi. Ana olandan sonra mən 180 dərəcə dəyişdim. İnsan yaşa dolduqca kamilləşir, sanki təlqin olunub ki yaş ötdükcə, bir az da olqunlaşırsan. İndi boylanıb 5-10 il öncəyə baxanda deyirəm ki, ay Allah yəni mən belə şey eləmişəm? Yəni mən bu paltarı geyinmişəm? Keçmişə baxıb özüm-özümü tənqid edirəm. Zaman və status insanı çox dəyişir. Çoxusu düşünür ki, məni həyat yoldaşım Rövşən dəyişir, o cür geyinməyimə icazə vermir. Xeyr, mən özüm mühafizəkar insanam”.
E.Xəlilova həyat yoldaşı Rövşən ilə ailə quran zamanlarda onları ayırmağa çalışan insanlardan da söz açıb:
“Rövşənlə ailə həyatı quranda hər iki tərəfdən fərqli münasibətlər gördük. Ətrafımda bəzi insanlar var idi ki, bizim evlənməyimizə inanmırdılar. Məni hər vəchlə o yoldan çəkindirirdilər. Deyirdilər, o səni dolayır, heç vaxt səni almayacaq. Rövşən tipik azərbaycanlı kişisidir, səncə o müğənni alar?! Pis olurdum, öz-özümə deyirdim ki, mən də özümə sənət seçdim... Fikirləşirdim ki, yəqin bu münasibətin axırı yoxdur. Mayın 9-u nişanlandıq, sentyabrın 23-ü toyumuz oldu. Hər şey tez baş verdi. Nişana qədər təlatümlər çox idi. Hamı məni inandırmağa çalışırdı ki, Rövşən mənimlə vaxt keçirir, əylənir. O qədər təlqin etmişdilər ki, az qala inanmışdım. Təbii ki, bu kimi olaylara görə bizim münasibətimizdə bir müddət dava-dalaş baş verdi, soyuqluq yarandı. İki il sevgili olmuşduq. Dedim üzüyümü tax, bilsinlər ki, nişanlımsan. Rövşən mərd, şərəflidir. O mənə bir dəfə dedi ki, ay qız mən sənə evlilik təklif etmişəm, istəyirəm ki, ailəm, uşaqlarımın anası olasan. İki dünya bir ola, bu baş verəcək. Uzağı çıxıb gedib Rusiyada yaşayacağıq”.
Xatırladaq ki, Elnarənin 4 övladı var.
Lamiyə Balacayeva
Muztv.az xəbər verir ki, sənətçi öncə karyerasına başladığı “W-trio” qrupunun dağılma səbəblərindən və Röya, Natavan ilə maraqlı gənclik xatirələrindən danışıb:
“Dünya praktikasına, yaranan bütün qrupların fəaliyyətinə nəzər salsaq görərik ki, heç bir qrup uzunömürlü olmayıb. Ayrılıqlar, yerdəyişmələr normaldır. Hətta bir evin içində belə eyni ata-ananın uşaqları oyuncağı bölə bilmirlər. Fikir ayrılıqları müxtəlif xarakterli insanlar arasında mütləq ki, yaşanacaq. Natavan, Röya və mən elə gülməli şeylərin üstündə dava edirdik. Pomada, corab, səhnədə kim harda dayanacaq onun üstündə mübahisələr edirdik. İndi yadıma düşəndə gülməyim gəlir. Deyirəm gör biz nəyin davasını etmişdik. Qrupun dağılmasının bir neçə səbəbi var idi. Qrupdan ilk Röya getdi, tez də solo karyeraya başladı. Sonra mən. Vaqif müəllimə bəhanə gətirdim ki, ailə quracağam. Amma evlənmədim, onda 23 yaşım vardı. Ən son Natavan tərk etdi. İçimizdə ən etibarlı elə Natavan çıxdı”.
Elnarə ailə həyatının onu xeyli dəyişdiyini və hər zaman özünə tənqidi yanaşdığını qeyd edib:
“Solo karyerama başlayanada mən şıltaq bir qız idim. 23-24 yaşında bir qız necə ola bilərdisə, mən onu oynayırdım. Araz aşığımdan idi, Kür topuğumdan(gülür). Qısa ətək də geyinirdim, ailə-uşaq yox, dünya- aləm vecimə deyildi. Yaş, ailə məni dəyişdi. Ana olandan sonra mən 180 dərəcə dəyişdim. İnsan yaşa dolduqca kamilləşir, sanki təlqin olunub ki yaş ötdükcə, bir az da olqunlaşırsan. İndi boylanıb 5-10 il öncəyə baxanda deyirəm ki, ay Allah yəni mən belə şey eləmişəm? Yəni mən bu paltarı geyinmişəm? Keçmişə baxıb özüm-özümü tənqid edirəm. Zaman və status insanı çox dəyişir. Çoxusu düşünür ki, məni həyat yoldaşım Rövşən dəyişir, o cür geyinməyimə icazə vermir. Xeyr, mən özüm mühafizəkar insanam”.
E.Xəlilova həyat yoldaşı Rövşən ilə ailə quran zamanlarda onları ayırmağa çalışan insanlardan da söz açıb:
“Rövşənlə ailə həyatı quranda hər iki tərəfdən fərqli münasibətlər gördük. Ətrafımda bəzi insanlar var idi ki, bizim evlənməyimizə inanmırdılar. Məni hər vəchlə o yoldan çəkindirirdilər. Deyirdilər, o səni dolayır, heç vaxt səni almayacaq. Rövşən tipik azərbaycanlı kişisidir, səncə o müğənni alar?! Pis olurdum, öz-özümə deyirdim ki, mən də özümə sənət seçdim... Fikirləşirdim ki, yəqin bu münasibətin axırı yoxdur. Mayın 9-u nişanlandıq, sentyabrın 23-ü toyumuz oldu. Hər şey tez baş verdi. Nişana qədər təlatümlər çox idi. Hamı məni inandırmağa çalışırdı ki, Rövşən mənimlə vaxt keçirir, əylənir. O qədər təlqin etmişdilər ki, az qala inanmışdım. Təbii ki, bu kimi olaylara görə bizim münasibətimizdə bir müddət dava-dalaş baş verdi, soyuqluq yarandı. İki il sevgili olmuşduq. Dedim üzüyümü tax, bilsinlər ki, nişanlımsan. Rövşən mərd, şərəflidir. O mənə bir dəfə dedi ki, ay qız mən sənə evlilik təklif etmişəm, istəyirəm ki, ailəm, uşaqlarımın anası olasan. İki dünya bir ola, bu baş verəcək. Uzağı çıxıb gedib Rusiyada yaşayacağıq”.
Xatırladaq ki, Elnarənin 4 övladı var.
Lamiyə Balacayeva