“Hərdən obyektivlik görmürəm” – model İlqar Əliyev nədən və kimdən gileyləndi? - eksklüziv

“Best model of 2004”ün qalibi model, xoreoqraf İlqar Əliyev MUZ TV Azərbaycan kanalına müsabiqəsi zamanı son illərdə ölkəmizdə mütəmadi olaraq keçirilən gözəllik yarışlarından danışıb.

Muztv.az xəbər verir ki, İlqar Əliyev hərdən haqsızlıqla üzləşdiyini söyləyib:

“Son illərdə Azərbaycanda bir çox gözəllik yarışmaları keçirilir. Hərdən obyektivlik görmürəm. Özüm onun tərəfdarıyam ki, necə ki, mən “Best model of 2004”ün qalibi olmuşamsa, indikilər də haqlı yerlərini tutsunlar. Xoşlamıram ki, əziyyət çəkməyən insan birinci olsun. Ən uğurlu layiqli yerinə sahib olmalıdır”. 

Model Azərbaycanda gözəllik yarışlarında qalib olan gənclərin xarici ölkələrdə baş tutan geniş miqyaslı müsabiqələrə göndərilməsinin tərəfdarı olduğunu da vurğulayıb:

“Bir çox ölkələrdə dünya müsabiqələri keçirilir. Əfsuslar olsun ki, bizim ölkədə müsabiqə qalibləri dünya üzrə keçirilən yarışlara göndərilmir. Amma mən Azərbaycanda birinci olandan sonra Dünya çempionatında vətənimi təmsil etmişəm. Hətta finalçı da olmuşam. Təşkilatçılar bir qədər də səy göstərsələr istedadlı gənclər üçün şərait yaratmaq olar”. 

Bununla bağlı süjetə fevralın 28-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
 
Lamiyə Balacayeva