“Bikini geyinən qızların dalınca qaçan vaxtım deyil” - Ramil Nabran etiraf etdi

Son zamanlar səhnəmizin sevilən repçilərindən olan Ramil Nabran cəsarətli etirafları ilə hələ çox yaddaşlarda qalacaq.

Muztv.az xəbər verir ki, ifaçı MUZ TV Azərbaycan kanalına açıqlamasında paytaxtımızda təşkil olunan “Fashion show”da səhnəyə çıxaraq açılış etmək təklifi aldığını bildirib. Repçi dünyada məşhur “Viktoriya Sekret” dəb şousunda alt paltarlarını reklam edən tanınmış modellərdən də söz açıb:

“Elə bir şou olsa, mənim fikrim “Viktoriya Sekret”in qızlarında qalacaq. Əslində, yox. Mən o yaşda deyiləm ki, durub bikinili qızların dalınca qaçım. Artıq çalışıram bikinililər arxamca qaçsın. Onsuz da qaçdığımızı qaçmışıq. Bu yaxınlarda məni “Fashion Show”ya ifaçı kimi dəvət etmişdilər”.

Fərqli oxu tərzi və stili ilə xanımların obyektində olan Ramil qızların ona olan marağından danışıb. Ailəli olan repçimiz atdığı hər addıma diqqət etdiyini bildirib:

“Zamanında etdiklərimizi etdik, daha bəsdir, ailəli adamıq”.

Bununla bağlı süjetə martın 14-da saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.