Gənc aktyor Ülvi Həsənov örnək götürdüyü sənətkarın adını açıqladı - özəl

“Cavanlıq”, “Dəfnə ağacı” , “Nazlı” kimi film və serialların gənc aktyoru Ülvi Həsənov  MUZ TV Azərbaycan kanalına özəl müsahibə verib.

Muztv.az xəbər verir ki, gənc aktyor iş həyatından danışıb. Ülvi Həsənov özünə ən yaxın bildiyi serialın “Dəfnə Ağacı”olduğun vurğulayıb:

“Mənim, əslində, öz janrım komediyadır və özümü bunda çox rahat hiss edirəm. Tamaşaçılar məni komediya janrında görməyiblər. İlk işim isə bu janırda olan "Cavanlıq" serialı olub. Məni daha çox tanıdan və özümün ən sevdiyim rolum "Dəfnə Ağacı"nda oldu”.

Gənc aktyor örnək götürdüyü aktyor və digər sənət adamlarından da danışıb:

“Bizdə, Azərbaycanda, həm isanlığına, aktyorluğuna həm də şəxsiyyətinə hörmət elədiyim və örnək götürdüyüm sənətkar Fuad Poladovdur. O insandan istər teatrda, istərsə də filmdə çox şey öyrənmişəm. Çox şükür edirəm ki, bu yaşımda tərəf  müqabilim oldu. Xarici aktyorlardan isə  Aras Bulut İynəmli və Leanordo Dikaprionun adını çəkə bilərəm”.

Bununla bağlı süjetə aprelin 5-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Günel Əliyeva
Nilufər Məmmədli