“Röya mənim düşmənim deyil” - Faiq Ağayevdən sülhsevər açıqlama

Şou-biznesdə daha bir küsülülüyə son qoyulur. Xalq Artisti Faiq Ağayev ilə 1 ildir küsülü olan həmkarı Əməkdar Artist Röya Ayxan arasındakı buzlar əriyir.

Muztv.az xəbər verir ki, ulduzlar arasındakı barışığa jest ilk olaraq Röyadan gəlib. O, Xalq Artistinin "Uşaq kimi" mahnısını oxuyaraq onu İnstaqram səhifəsində paylaşıb. Röya videoya "Faiq Ağayev və mənim sevimli mahnım" şərhini yazıb. 

Bu hadisədən bir müddət sonra Faiq Ağayev MUZ TV Azərbaycan kanalında efirə gedən “Stop” verilişində danışıb. O, Röya ilə düşmən olmadığını qeyd edib:

“Röya mənim düşmənim deyil. Ən uğurlu həmkarlarımdan biridir. Bu yaxınlarda konsert verdi, təbrik edirəm. Hansı düşmənçilikdən söz gedir? İlk gündən onun yanında olmuşam, dəstək göstərmişəm. Röya klipimdə çəkilib, konsertlərimə gəlib. Münasibətlərimizdə hansısa problemin ucunu belə görə bilmirəm”.

Xatırladaq ki, R.Ayxanla F.Ağayev arasında konsertdən qonorar qazanan məşhurlar mövzusunda qalmaqal yaşanmışdı.

Bununla bağlı süjetə iyunun 1-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.

Lamiyə Balacayeva