Xalq artisti videoya etiraz etdi 

Xalq artisti Məleykə Əsədova sosial şəbəkədə yayılan videoya etiraz edib.

Mtv.az xəbər verir ki, aktrisa  teleproqramın birində dediyi şeirin montaj edilərək, başqa səs salındığını bildirib. Bu isə Əsədovanı özündən çıxarıb.

Açıqlama yayan aktrisa deyib: "Videoda "yox" sözündən sonra bəzi şərəfsizlər əzizlərinin səslərini video ilə montaj edib. Bu, həm mənə, həm də Bəxtiyar Vahabzadəyə hörmətsizlikdir. Bununla bağlı tədbir görüləcək. Mənə maraqlıdır, bu videonun montaj olduğunu bilə-bilə niyə bəzi səhifələr də bu tərbiyəsizliyi paylaşaraq həmin şərəfsizlərə dəstək olurlar?"

Xatırladaq ki, M.Əsədova görüntüdə Bəxtiyar Vahabzadənin "Kimdir mənim düşmənim?" şeirini səsləndirib.