Xalq artisti ilə Əməkdar artist barışıb

Xalq artisti ilə Əməkdar artist barışıb
Xalq artisti Aygün Bayramova ilə Əməkdar artist Gülüstan Əliyeva barışıb.

Mtv.az xəbər verir ki, bu barədə teleproqramın birində deyilib. Bildirilib ki, barışıq Novruz bayramı ərəfəsində baş verib.

Xanəndələri Xalq artisti Nəzakət Teymurova barışdırıb. Hadisə Azərbaycan Milli Konservatoriyasında olub. N.Teymurovanın barışıq istəyinə həmkarları müsbət reaksiya verib.

Xatırladaq ki, A.Bayramova və G.Əliyeva uzun illərdir küsülüdür. Onlar arasındakı incikliyin səbəbi bilinməsə də, küsülülükləri "Zaurla Günaydın" proqramında ortaya çıxmışdı. Proqramda qonaq olan sənətçilər içəri girəndə görüşməyib, bir-birinin ünvanına atmacalı sözlər atıb.