"Azərbaycan musiqisində böyük gələcək var..."

"Azərbaycan musiqisində böyük gələcək var..."
Xəbər verdiyimiz kimi, bu gün Ümummilli lider Heydər Əliyevin 100 illik yubiley tədbirləri çərçivəsində Musiqi Forumuna start verilb.


Mtv.az xəbər verir ki, tədbirdə Üzeyir Hacıbəyli adına Bakı Musiqi Akademiyasının rektoru, professor Fərhad Bədəlbəyli də çıxış edib. O, Mədəniyyət Nazirliyinin büdcəsində yetəri qədər vəsait olmadığını vurğulayıb:

"Mən çox istərdim ki, Milli Məclisdə incəsənət nümayəndələrinə diqqət yetirilsin. Haqqlarımızı aktiv müdafiə etsinlər. İnandırım sizi ki, musiqi və mədəniyyət böyük bir silahdır. Bu orduda gözəl, istedadlı insanlar iştirak edirlər. Mən istəyirəm ki, Mədəniyət Nazirliyinin büdcəsində daha çox pul olsun. Biz məbləği sponsorlardan tapırıq, amma əslində bu vəsait Mədəniyyət Nazirliyində olmalıdır".

Fərhad Bədəlbəyli telekanalların da siyasətini tənqid edib:

"Daha bir problem isə təbliğat məsələsidir. Mən xüsusən telekanalların siyasətinə toxunmaq istəyirəm. 90 faiz proqramlar ancaq əyləncə yönlüdür, heç olmasa 40 faiz olsun. Ciddi, yüksək səviyyəli əsərlər təbliğ olunsun. Kanallarda bəzi verilişləri görəndə adam utanır. Bu siyasət diqqət mərkəzində olmalıdır. Utanmadan özümüzü tənqid etməliyik, bəzən passivləşirik, böyük proqramlar üzərində işləmirik. Tənqiddən qorxmaq lazım deyil. Mən inanıram ki, Azərbaycan musiqisində böyük gələcək var. Sadəcə təbliğat məsələsidir. Biz əlimizdən gəldikcə xaricdə də edirik".