“Parol” mahnısı rekord qırıb

“Parol” mahnısı rekord qırıb
Xalq artisti Aygün Kazımovanın “Parol” mahnısı dijital platformalarda dinlənmə rekordu qırıb.

Mtv.az xəbər verir ki, ölkənin əsas ulduzunun ifası “Apple music”də Azərbaycan üzrə ən çox yüklənənlər sırasında birinci olub. Eyni zamanda Pop divanın bu il hit olan “Vəfasızlar” və “Qorxuram” mahnıları “Top 100”lükdə ilk on sırada qərarlaşıb.

Bununla yanaşı, “Parol” TikTok-da (hazırda ölkədə fəaliyyəti müvəqqəti dayandırılıb) son günlər ən çox video çəkilən mahnılardan olub. Belə ki, 1 həftə içində bəstəyə 26 mindən çox video çəkilib.

“Parol”un musiqisi Kazımcana, sözləri Orxan Qarabasmaya aiddir. “Parol” yutubda 1 milyondan çox, “Vəfasızlar” 3, “Qorxuram” isə 8,5 milyondan çox izlənilib.

A.Kazımovanın mahnıları bundan əvvəl də “Apple music”də tək Azərbaycan yox, dünyanın bir çox ölkələri üzrə ən çox yüklənənlər arasında birinci sırada olub.