Zamiq sevənləri ilə görüşdü

Mərdəkan Mədəniyyət Sarayında "Qonağımız var" layihəsi çərçivəsində tanınmış müğənni Zamiq Hüseynovla görüş təşkil edilib.

Sevilən ifaçı, görüşdən əvvəl media nümayəndələri ilə hisslərini bölüşüb.

İzdihamla qarşılanan estrada ulduzu həyat və fəaliyyətindən, 8 yaşından sonra çətin başlayan keşməkeşli sənət yolundan söhbət açıb.

Pop ulduz tamaşaçılarının ona ünvanladığı maraqlı sualları da çox səmimi cavablayıb. 

Müğənni "Mən səni sevirəm”, "Əvəzsizim, “Var ol”, "İfadə", “Kaman” kimi sevilən ifalarını da səsləndirib. 

Sonda görüş “Səma” rəqs kollektivinin müşayiəti ilə Zamiqin ifasında “Azərbaycan” mahnısı ilə yekunlaşıb.