Nazəninin instaqram səhifəsi bərpa olunub

Xəbər verildiyi kimi, müğənni Nazənin Salayevanın 1,1 milyonluq instaqram səhifəsi oğurlanmışdı.

Hadisədən bir neçə gün sonra Nazəninin instaqram səhifəsi bərpa olunub. Bu barədə onun səhifəsində məlumat paylaşılıb.

Qeyd edək ki, bir neçə gün əvvəl Nazəninin oğurlanan səhifəsində qeyri-etik paylaşımlar edilmişdi. Hesabı ələ keçirən şəxs buna 7000 dollar (təxminən 12 min manat) qarşılığında razılaşdığını, lakin öz pulunu ala bilmədiyini bildirmişdi.

Xatırladaq ki, bir müddət əvvəl Xalq artisti Aygün Kazımova, müğənni İradə İbrahimova, aparıclar Ranar Musayev, Ceyhun Əli və idmançı Pərviz Abdullayevin də səhifəsi oğurlanmışdı.