Xalq artisti valideynlikdən məhrum ediləcək?

Rusiyanın Xalq artisti Alla Puqaçova və şoumen Maksim Qalkinin valideynlik hüququndan məhrum edilməsi tələb olunur.

Fəallar bu tələblə Uşaq Hüquqları Ombudsmanına müraciət ediblər. Bu barədə "Mash" teleqram kanalı məlumat yayıb.

Bildirilib ki, 75 yaşlı Alla və 48 yaşlı Maksimin tez-tez səyahət etməsi uşaqları normal həyatdan məhrum edir. Hərəkatın rəhbəri İldar Rezyapovun sözlərinə görə, uşaqlar müxtəlif iqlimi olan ölkələrdə daim yeni həyat şəraitinə uyğunlaşmaqdan əziyyət çəkirlər. 

Fəalların qeyd etdiyi kimi, 10 yaşlı əkizlər Liza və Harri bu il İsrail məktəbinə qayıtmayıblar: əvvəlcə valideynləri onları Kiprə aparıblar, sonra isə anaları ilə birlikdə Latviyaya köçüblər. Belə  hərəkətlər psixoloqların fikrincə, uşaqların psixoloji vəziyyətinə mənfi təsir göstərə bilər.

İctimai fəallar uşaq ombudsmanından xahiş ediblər ki, ailə Rusiyaya gələrsə, uşaqları valideynlərindən ayırıb rus məktəbinə köçürsün.

Xatırladaq ki, Alla Puqaçova və Maksim Qalkin uşaqları ilə birlikdə Rusiyanın Ukraynaya qarşı xüsusi hərbi əməliyyatı başlatdıqdan dərhal sonra Rusiyanı tərk ediblər.