"İbrahim Tatlısəs mənimlə oxumadı" - Xalq artisti

Xalq artisti Alim Qasımov türkiyəli müğənni İbrahim Tatlısəslə bağlı xatirəsini bölüşüb.

O deyib ki, Allah İbrahim Tatlısəsə şəfa versin: "Amma bir dəfə onun məclisinə məni dəvət etmişdilər. Bir dəfə oxudum. Bilirəm ki, Tatlısəs də bunu oxuyur. "Çərşənbə günündə, çeşmə başında..." zümzümə edib, mikrofonu ona verdim. Mikrofona da elə gözəl səs vermişdilər. Dedim ki, onunla birgə oxuyum. Mənimlə oxumadı. Sonra ikinci dəfə mənə söz verdilər. O mikrofonu elə günə qoymuşdular. Oxumaq qalsın, danışmaq da olmurdu. Allah şəfa versin. Nəysə. Bütün qeybətləri etdim burada, Allah qeybətə yazmasın. Bir dəfə də cavan uşaq idim. Məclisə getmişdim. Bir tanınmış oxuyan gəlmişdi. Onun xəbəri olmadan mikrofonunu mənə verdilər. Ağzımı açan kimi onu əlimdən aldı. Bir şey ki, Allahdan verilib, onun qabağını ala bilməzsən".