Xalq artisti verilişlərə getmir

"İldə 5-6 dəfə verilişə qatılsam bəsdir. Kanallar dəvət edir. Amma baxıram ki, mənim gedəcəyim veriliş deyil. Gedib nə danışacağam? Həm də işlərimiz çox olur, vaxt tapmırıq".
Bu sözləri Xalq artisti Aygün Bayramova televerilişin birində deyib. Xanəndə verilişlərə getməməsinin səbəbini açıqlayıb. O bildirib ki, bir çox proqramları özünə yaraşdırmır.
A.Bayramova bayağı mahnı ifaçılarının efirə dəvət olunmasını tənqid edib: "İndi sosial şəbəkədə nələr var... Efirə çıxmasa da yutubda bir kanal açıb hər şeyi nümayiş etdirirlər. Yaxşıdırsa, efirə çağırın. Həm görkəm olaraq, həm də ifa olaraq... Özünüz məndən yaxşı bilirsiniz hər şeyi. O mahnılar necə, harada yazılır? Onları efirə necə çıxırlar?"