Təyyara görə sənətkar kimdir?

"İndi hamıya "sənətkar" deyirlər. Bilən də, bilməyən də".

Bu sözləri Əməkdar artist Təyyar Bayramov televerilişin birində deyib.

O, son günlər müzakirə mövzusuna çevrilən "sənətkar" sözünün hamıya şamil edilməsinə etirazını bildirib: "Bu sözün mənası var. Öz sənətinin peşəkarına "sənətkar" deyərlər. Bəzən tələbə deyir ki, mənim ustadım filankəsdir. Qıcıq yaranır. Ustad 30 yaşında da ola bilər. Bir var, hansısa gənc ifaçıya deyəsən, "muğam sənətinin ustadı", bu başqa mənadadır. Ustaqdlarımız var ki, dünyasını dəyişiblər, amma biz yenə də onlardan bəhrələnirik. Muğamla yanaşı, estrada sahəsində də sənətkarlar var. Onlardan bəhrələnib mahnı ifa edirlər. Sənətkar həm də o davranışı ilə bunu sübut etməlidir. Sənətinə uyğun davranmalıdır".