Ermənilərin “S.O.S” hit oğurluğu - VİDEO

Xalq artisti Aygün Kazımovanın qlobal trendə düşən “S.O.S” hiti ermənilər tərəfindən oğurlanıb.

Erməni qarmon ifaçısı Toros Papoyan bəstəni ifa edib. O, bir neçə gün öncə yutubda yayımladığı mahnının müəllifi kimi də özünü qeyd edib. Amma ermənilərin Azərbaycan musiqisinə qarşı növbəti plagiatlıq cəhdinin qarşısı tez bir zamanda alınıb. Torosun özünü müəllif kimi göstərdiyi mahnı yutubdan “Beat Music” MMC-nin şikayəti ilə silinib. 

Xatırladaq ki, A.Kazımovanın  “S.O.S” mahnısı 2024-cü ilin iyulunda təqdim edilib.  Yutubda 42  milyondan çox izlənən mahmının sözləri Orxan Qarabasmaya, musiqisi isə Kazımcana aiddir. Bu günlərdə isə “S.O.S” qlobal trendə düşüb. “S.O.S” mahnısı hazırda bütün dünyada elektron musiqi platformalarında sürətlə yüksəlməyə başlayıb.