Timur Annadan rəsmən boşanıb

Azərbaycan əsilli rusiyalı şoumen Timur Rodrigez (Kərimov) 16 illik həyat yoldaşı Annadan rəsmən boşanıb.

Bu barədə məlumat məhkəmə materialında yer alıb. Qeyd olunub ki, boşanmanın təşəbbüskarı martın sonunda ərizə verən 45 yaşlı şoumenin özü olub. Mayın 27-də cütlüyün boşanması ilə bağlı məhkəmənin qərarı qüvvəyə minib. Eyni zamanda, sənəddə əks olunub ki, Timurla Anna arasında əmlak və alimentlə bağlı heç bir mübahisə yoxdur.

Bundan əvvəl Timur Anna ilə alimentlə bağlı razılığa gəldiyini və əmlakını ona qoyub getdiyini bildirmişdi. 

Xatırladaq ki, Timur və Anna 2007-ci ildə ailə qurub. Onların iki övladı var. Timur Anna evli olduqları müddətdə aktrisa Katerina Kabakla sevgili olduğunu açıqlamışdı.