Könül həmkarına torpaq sahəsi bağışlayıb

"Haqqıma girirlər. Efirə baxıram görürəm ki, təhqir olunuram.

Tənqidlə başlayıb təhqirlə bitirirlər. Sənət adamları məni təhqir edirlər. O qədər təsirlənirəm ki... Evdə otururam, özümü müdafiə etməyə gücüm çatmır. Dəhşətdir".

Bu sözləri Əməkdar artist Könül Kərimova televerilişin birində deyib.  Ad çəkməyən sənətçi həmkarlarının onu təhqir etdiyini deyib. 

K.Kərimova duet ortağı Cabbar Musayevə verdiyi bahalı hədiyyədən danışıb. O bildirib ki, həmkarına 6 sot torpaq sahəsi bağışlayıb: "Ən bahalı hədiyyəni hər zaman özüm özümə etmişəm. Amma dostuma da bahalı hədiyyə vermişəm. Dostum Cabbar Musayevə 6 sot torpaq bağışlamışam. Şamaxıda Çuxuryurd da yerləşir. Bir məclisdə mənə verdilər. Mən də böldüm onu dostuma verdim".