Aynur ayrılmağına peşmandır

Müğənni Aynur Dadaşova açıqlaması ilə diqqət çəkib.

Sənətçi televerilişin birində şəxsi həyatı ilə bağlı sualları cavablandırıb. Aynur ayrılmağına peşman olduğunu etiraf edib:

"Düzgün seçim etmişdim. Nədənsə, hər şeydə səbrini saxlayan Aynur bir şeydə səbirsiz oldu. Çox heyfslənirəm. Gərək bir az da səbrli olardım. Allah şeytana lənət etsin".

Aparıcının "Söhbət ailədən gedir" sualını A.Dadaşova belə cavab verib: "Bəli... İnsanın özünün özünə etdiyi pisliyi milyon insan yığılsa, edə bilməz. Hər şeydə səbrliyəm, o qədər dözərəm... Etdim də, az olmadı. Amma onda nyə səbr etmədim, bu, məni çox düşündürür. Peşmnçılıq bilirsiniz nədi? Kişi üçün heç nə eyib deyil. Qadın nə etsə, deyirlər eyibdir. Qadın üçün nəsə addım atmaq, nəsə yaşamaq eyib sayılır. Düşünürsən ki, sabah haqqımda pis deyərlər. Hələ tanınmışlar üçün bu daha da çətindir. Amma sevib-sevilmək hər bir insanın haqqıdır. Bu, nə yaşdan, nə də sənətdən asılıdır. Mən də istəyərdim sevim. Deyir, insanın həyatında ikinci bahar olur. İndi mənim həyatımda bunun olub-olmayacağı məni düşündürür".

Xatırladaq ki, Aynur Dadaşova həyat yoldaşından xəyanətə görə ayrıldığını açıqlayıb. Onun iki övladı var.