Yaqut xanım özünü yaxşı hiss edir

Uzun illərdir efirlərdən uzaq düşən müğənni Yaqut Babayeva səhhətindən və sənətdən uzaqlaşmasının səbəblərindən danışıb.

Sənətçi illər sonra televerilişin birində qonaq kimi efirə çıxıb.

O bildirib ki, artıq fəaliyyətini əsasən kənardan izləyir və bunu təqaüdə çıxması ilə əlaqələndirir: “37 il oxudum, bəs deyil? Nəvələrimlə məşğul oldum. Mədəniyyət evində çalışırdım, yaşım 65 olduqdan sonra yollarımızı ayırdıq”.

İfaçı səhhətində yaranan problemlərə görə əməliyyat keçirdiyini deyib: “Bu yaxınlarda öd kisəmdən əməliyyat oldum. Özümü yaxşı hiss edirəm”.

Y.Babayeva efirdə Əməkdar artistlərin biri ilə arasında inciklik yarandığını, buna isə tanınmış aparıcılardan birinin səbəb olduğunu söyləyib.