Fəxriyyə Xələfovanın Səmərqənddə geyim fotosessiyası
Tanınmış Azərbaycan modelyeri, Əməkdar İncəsənət Xadimi "Fakhriya Khalafova" moda evinin təsisçisi Fəxriyyə Xələfova qədim Səmərqənd şəhərində olub.
Muztv.az xəbər verir k, onu Özbəkistandakı “Gulnara Fashion” dəb evinin rəhbəri Gülnara Muxammedova müşayiət edib.
Fəxriyyə Xələfova Səmərqənd şəhərinin təkrarsız abidələrinə baxıb, Reqistan meydanında öz kolleksiyasına daxil olan 12 milli qadın geyiminin fotosessiyasını keçirib.
Bununla bağlı Fəxriyyə Xələfova deyib ki, fotosessiya keçirdiyimiz zaman Reqistan meydanında turistlər də çox idi və onlar bizim tədbirə maraqla tamaşa edirdilər: "Geyimlər özbək ipəyindən istifadə olunmaqla hazırlanıb. Onu da deyim ki, Avropanın məşhur dizaynerləri də vaxtaşırı özbək ipəyinə müraciət ediblər. Bu təbii ki, məni də maraqlandırdı, bu materialdan istifadə etməyə başladım. Deyim ki, fotosessiya çox uğurla keçdi. Reqistan meydanının əzəməti, mozaikanın gözəlliyi fonunda keçirilən fotosessiya mənim üçün də çox maraqlı oldu. Əslində mən Səmərqənd şəhərində fotosessiya keçirməyi çoxdan arzulayırdım. Bu arzumu həyata keçirdiyim üçün çox şadam”.
Xatırladaq ki, ötən il dekabrın 5-dən 9-dək Sankt-Peterburqda “Ermitaj” otelində Fəxriyyə Xələfovanın kolleksiyalarından libasların nümayişi keçirilmişdi və moda həvəskarları tərəfindən böyük maraqla qarşılanmışdı.
Muztv.az xəbər verir k, onu Özbəkistandakı “Gulnara Fashion” dəb evinin rəhbəri Gülnara Muxammedova müşayiət edib.
Fəxriyyə Xələfova Səmərqənd şəhərinin təkrarsız abidələrinə baxıb, Reqistan meydanında öz kolleksiyasına daxil olan 12 milli qadın geyiminin fotosessiyasını keçirib.
Bununla bağlı Fəxriyyə Xələfova deyib ki, fotosessiya keçirdiyimiz zaman Reqistan meydanında turistlər də çox idi və onlar bizim tədbirə maraqla tamaşa edirdilər: "Geyimlər özbək ipəyindən istifadə olunmaqla hazırlanıb. Onu da deyim ki, Avropanın məşhur dizaynerləri də vaxtaşırı özbək ipəyinə müraciət ediblər. Bu təbii ki, məni də maraqlandırdı, bu materialdan istifadə etməyə başladım. Deyim ki, fotosessiya çox uğurla keçdi. Reqistan meydanının əzəməti, mozaikanın gözəlliyi fonunda keçirilən fotosessiya mənim üçün də çox maraqlı oldu. Əslində mən Səmərqənd şəhərində fotosessiya keçirməyi çoxdan arzulayırdım. Bu arzumu həyata keçirdiyim üçün çox şadam”.
Xatırladaq ki, ötən il dekabrın 5-dən 9-dək Sankt-Peterburqda “Ermitaj” otelində Fəxriyyə Xələfovanın kolleksiyalarından libasların nümayişi keçirilmişdi və moda həvəskarları tərəfindən böyük maraqla qarşılanmışdı.