Nelli karyerasını bitirib

Qırx altı yaşlı məşhur müğənni Nelli Furtado yenidən səhnə karyerasını sonlandırıb.

O, bu barədə sosial mediada yazıb.

"İfaçılıqdan uzaqlaşmağa, həyatımın növbəti mərhələsinə daha uyğun gələcəyini düşündüyüm digər yaradıcı və şəxsi məsələlərlə məşğul olmağa qərar verdim. Karyeramdan çox zövq aldım və hələ də musiqi yazmağı sevirəm, çünki həmişə bunu bir hobbi kimi görmüşəm. Özümü əbədi olaraq mahnı müəllifi kimi tanıyacağam", - müğənni bildirib.

Xatırladaq ki, Nelli səhnəyə qayıtdığı qısa müddət ərzində bədənindəki dəyişikliklərə görə davamlı olaraq tənqidlərə məruz qalıb. Nelli 3 uşaq anasıdır. O, 2024-ci ildə 6 illik fasilədən sonra səhnəyə qayıtsa da, görünşündəki dəyişklik pərəstişkarlarını təəccübləndirmişdi. Belə ki, karyerasının zirvəsində olduğu dövrlərdə ideal bədən quruluşu ilə seçilən Nelli 40 kiloqramdan çox kökəlib.