"Mahnıda Azərbaycan elementləri olmalıdır..."
"2007-2006-cı illər idi "Avroviziya" ilə bağlı açıqlama verərkən dedim ki, ildə bir dəfə o meydançanı bizə verirlər. 400-600 milyon insan o 3 dəqiqədən istifadə edib Avropada bizə baxır ki, Azərbaycan musiqisini orada təbliğ edək. Uduzacağıq, axırıncı, 18-ci, 25-ci olacağıq. Tüpürək ona. Onsuz da oluruq. "Avroviziya" heç nə vermir. Sən yaxşısansa, yaxşısan. "ABBA" qalib gəldi, amma yaxşı olduğu üçün bu günə qədər yaşayır. Bütün yarışmalar belədir. 7-ci, 8-ci, 9-cu il artıq bizim musiqi səslənəndə tanıyacaqlar artıq. İstifadə edəcəyik Avropanın pulundan, efirindən, səhnəsindən təbliğ edəcəyik. Mən bunun tərəfdarı olduğumu dedim".
Mtv.az xəbər verir ki, bu sözləri Əməkdar incəsənət xadimi, bəstəkar Cavanşir Quliyev deyib.
O əlavə edib ki, hazırda Avropa ölkələrində Azərbaycan musiqisi ilə bağlı təsəvvür belə yoxdur. Bəstəkar 16 il ərzində yalnız 2 mahnını azərbaycanlının yazması ilə bağlı fikirlərə isə belə reaksiya verib:
"Burada maliyə söhbəti gizli qaldı. Dedi-qodu səviyyəsində dedilər ki, isveç musiqiçisinə çox böyük paralar verdilər. Hətta qalib gəldiyi üçün. Qalib gəlibsə, artıq heç nə deyə bilməzsən, halal olsun. Amma o biri illərdə də çoxlu pullar verdilər. Məncə Azərbaycan bəstəkarına o qədər pulu verməzlər. Çünki versələr o, danışacaq. Deyəcək ki, mən bu qədər pul aldım. Onda da məsələ çıxacaq ki, bu qədər pulu niyə verirsən? Ondansa, get bir xəstəxana tik. Hələ də bilmirəm, bu "Avroviziya" ilə bağlı qərar verən kimidir".
C.Quliyev bu il Azərbycanı yarışmada təmsil edən Samirə Əfəndinin "Mata Hari" mahnısına da münasibət bildirib:
"Mahnıda Azərbaycan elementləri olmalıdır. Sonuncu mahnı, "Mata Hari", qız yazıq yaxşı da oxudu. Mahnı da əslində pis deyildi. Sadəcə ora "Mata Hari" qoyulması bir az camaatı narahat etdi ki, o, fahişə olub. Əminəm ki, bu gündən sonra hələ bir neçə il sonra Avropa bilərəkdən bizə aşağı xallar verəcək davaya görə. Ona görə də yer məsələsini unutmalıyıq. Mən belə düşünürəm ki, o səhnəni istifadə etməliyik təbliğat üçün".
Cavanşir Quliyev aparıcının zamanla Azərbaycan himninə, xüsusən deputatlar tərəfindən müdaxilələrə - uzunluğu, mətni ilə bağlı mövzuya münasibətini bildirərək bu musiqinin toxunulmaz olduğunu vurğulayıb:
"Himn toxunulmazdır. Çünki himn bədii əsər deyil, siyasi atributdur. Onda gözəl olmaq məcburiyyəti yoxdur. İnternetdə bütün himnlər var. 200-dən çox himn. Bu məsələ qalxanda mən oturub çoxunu dinlədim. Azərbaycan himni gözəllik baxımından dünyanın 5-6 himni içərisindədir. Bunu musiqiçi olaraq deyirəm".
O, himnin Faiq Ağayev, Alim Qasımov, Elnur Məmmədov, Bəyimxanım Vəliyeva və Səbinə Babayeva tərəfindən müxtəlif versiyalarda səsləndirilməsinə də münasibət bildirib:
"Əvvəla Amerikanı yamsılamaq lazım deyil. İkincisi, siz bunu pis, keyfiyyətsiz etmisiniz. Vətəndaşam dinləyirəm və hesab edirəm ki, yaxşı deyil. Üçüncüsü, bu, siyasi atribut olduğuna görə, heç lazım da deyil. Amerikada buna görə Stravinski boyda bəstəkarı həbs etmişdilər. Mən də hesab edirəm ki, Azərbaycanda oxunası o qədər mahnı var, himn orada axırıncı yerdədir. Amerika bayraq formasında iç geyimi də istehsal edir, biz etməyək, toxunmasınlar".
Mtv.az xəbər verir ki, bu sözləri Əməkdar incəsənət xadimi, bəstəkar Cavanşir Quliyev deyib.
O əlavə edib ki, hazırda Avropa ölkələrində Azərbaycan musiqisi ilə bağlı təsəvvür belə yoxdur. Bəstəkar 16 il ərzində yalnız 2 mahnını azərbaycanlının yazması ilə bağlı fikirlərə isə belə reaksiya verib:
"Burada maliyə söhbəti gizli qaldı. Dedi-qodu səviyyəsində dedilər ki, isveç musiqiçisinə çox böyük paralar verdilər. Hətta qalib gəldiyi üçün. Qalib gəlibsə, artıq heç nə deyə bilməzsən, halal olsun. Amma o biri illərdə də çoxlu pullar verdilər. Məncə Azərbaycan bəstəkarına o qədər pulu verməzlər. Çünki versələr o, danışacaq. Deyəcək ki, mən bu qədər pul aldım. Onda da məsələ çıxacaq ki, bu qədər pulu niyə verirsən? Ondansa, get bir xəstəxana tik. Hələ də bilmirəm, bu "Avroviziya" ilə bağlı qərar verən kimidir".
C.Quliyev bu il Azərbycanı yarışmada təmsil edən Samirə Əfəndinin "Mata Hari" mahnısına da münasibət bildirib:
"Mahnıda Azərbaycan elementləri olmalıdır. Sonuncu mahnı, "Mata Hari", qız yazıq yaxşı da oxudu. Mahnı da əslində pis deyildi. Sadəcə ora "Mata Hari" qoyulması bir az camaatı narahat etdi ki, o, fahişə olub. Əminəm ki, bu gündən sonra hələ bir neçə il sonra Avropa bilərəkdən bizə aşağı xallar verəcək davaya görə. Ona görə də yer məsələsini unutmalıyıq. Mən belə düşünürəm ki, o səhnəni istifadə etməliyik təbliğat üçün".
Cavanşir Quliyev aparıcının zamanla Azərbaycan himninə, xüsusən deputatlar tərəfindən müdaxilələrə - uzunluğu, mətni ilə bağlı mövzuya münasibətini bildirərək bu musiqinin toxunulmaz olduğunu vurğulayıb:
"Himn toxunulmazdır. Çünki himn bədii əsər deyil, siyasi atributdur. Onda gözəl olmaq məcburiyyəti yoxdur. İnternetdə bütün himnlər var. 200-dən çox himn. Bu məsələ qalxanda mən oturub çoxunu dinlədim. Azərbaycan himni gözəllik baxımından dünyanın 5-6 himni içərisindədir. Bunu musiqiçi olaraq deyirəm".
O, himnin Faiq Ağayev, Alim Qasımov, Elnur Məmmədov, Bəyimxanım Vəliyeva və Səbinə Babayeva tərəfindən müxtəlif versiyalarda səsləndirilməsinə də münasibət bildirib:
"Əvvəla Amerikanı yamsılamaq lazım deyil. İkincisi, siz bunu pis, keyfiyyətsiz etmisiniz. Vətəndaşam dinləyirəm və hesab edirəm ki, yaxşı deyil. Üçüncüsü, bu, siyasi atribut olduğuna görə, heç lazım da deyil. Amerikada buna görə Stravinski boyda bəstəkarı həbs etmişdilər. Mən də hesab edirəm ki, Azərbaycanda oxunası o qədər mahnı var, himn orada axırıncı yerdədir. Amerika bayraq formasında iç geyimi də istehsal edir, biz etməyək, toxunmasınlar".