Lalə restoran səhnəsinə gəlməsindən danışıb

"Restoran səhnəsinə məni İlqar Xəyal gətirib.

O vaxta qədər restoranda oxuya bilməzdim. Magistraturaya daxil olmuşdum, ödənişli idi. Hər ailədə maddi sıxıntı olur".

Bu sözləri Əməkdar artist Lalə Məmmədova televerilişin birində deyib.

Müğənni həmkarı İlqar Xəyalın "Lalə Məmmədovanı restoran səhnəsinə mən gətirmişəm" sözlərinə cavab verib.

L.Məmmədova restoranda çıxış etdiyi üçün anasının ona irad bildirməsindən danışıb: "Restoranlardan birində bir knalın bayram çəkilişi idi. Orada oxudum, İlqar Xəyal da orada çalışırdı. Səhəri mənə zəng edib dedi ki, gəlib restoranda oxuyun, pul alıb gedin. Qorxa-qorxa bacıma dedim, evdə yalandan çəkilişə gedirik deyib getdik. Evə gələndə anam soruşdu çəkiliş idi? Biz də yalan danışa bilmirik. Anam stres keçirdi. Dedi ki, atan professordur, gedib içki məclisində içkili nsanların qarşısında oxuyacaqsan? Atam dedi, istedadı varsa, biz ona dəstək olmalıyıq. Özüm aparıb gətirərəm".