Əməkdar artist övladları ilə danışmır

“Övladla ata arasında incimək olur.

Böyük oğlum Teymurdan da inciyirəm. Heç onu danışdırmıram. Çünki düzgünlüyü sevən insanam”.

Bu sözləri Əməkdar artist Rəhman Rəhmanov televerilişin birində deyib.

Aktyor böyük oğlunun ona yalan danışmasından şikayətlənib: “Oğlumun 49 yaşı var, mənə yalan danışır. Deyirəm ki, axı filan restoranda oturmusan. Sənə yaraşmaz yalan danışmaq. Görürəm, deyir, yox. Axı mən bilirəm ki, orada olub”.

R.Rəhmanov qızı ilə də küsülü olduqlarını etiraf edib: “Qızımla danışmıram. Onun gözəl ailəsi var. Aramızda soyuqluq var”.

Xatırladaq ki, aktyorun müğənni oğlu Emil Rəhmanoğlu bir müddət əvvəl dünyasını dəyişib.