Könül bayağı mahnı ifaçılarını qınayıb

"Bayağı mahnı ifaçıları hər zaman olub.

Sadəcə, hər kəsin öz yeri var idi. İndi yerləri səhv salıblar. Ona görə də onlar da çaşıb. Elə düşünürlər ki, nəsə bilirlər. Onlara riayət edib, öz yerlərini göstərsək, hər şey yerinə düşəcək".

Bu sözləri Əməkdar artist Könül Kərimova televerilişin birində deyib.

Sənətçi bayağı mahnı ifaçılarının efirə dəvət edilməsini qınayıb.

Proqramda qonaq olan müğənni Cabbar Musayev isə deyib: "1970-1980-ci illərdə də bunlar var idi. Aydınçik var idi, ona qulaq asırdım. Bütün Azərbaycan onu dinləyirdi. Ancaq ayağının altına gül səpib, onu televiziyaya gətirən yox idi. İndi Aydından da zəif ifaçıları şamlarla, güllərlə elə reklam edirlər ki... Oxuya bilməyənlərin bəxdi onda gətirib ki, insanların çoxunun musiqi duyumu yoxdur".