Mətanət sərt, Şəbnəm yumşaq danışdı

Müğənni Mətanət Əsədova həmkarı Şəbnəm Tovuzlunun ünvanına sərt sözlər deyib.

İfaçı teleproqramın birində Şəbnəmdən zəhləsi getdiyini deyib.

O, aralarında yaşanan qalmaqalı açıqlamasa da, bunları əlavə edib: "Ondan zəhləm gedir. Çıxsın nə deyir desin. Əgər bir insan səndən böyükdürsə, 100 il də mahnı oxuya, tamaşaçı toplaya bilərsən, baxış sayın da çox ola bilər. Amma başından böyük danışarsansa, mən bilirəm necə edərlər. Mətanət Əsədova sadəlik, insanlıq edirsə, məclisdə toy sahibinin xatirinə susursa, səsini kəs otur yerinə. Əsəbləşməyim, kiminsə ürəyin qırmayım deyə, sakit gedə bilərəm. Mən həkim deyiləm, cərraham, birdəfəlik kəsirəm. Bunları ümumiyyətlə deyirəm, xoşum gəlməyən adam haqqında deyirəm. Onun adını çəkmirəm. Mənim itirəcək heç nəyim yoxdur: nə evimdə uşaq gözləmir, həyat yoldaşım demir ona nəsə olsa neyləyəcəyəm. Mən tək yaşayıram, kef edirəm, qayda ilə də danışıram". 

Şəbnəm qarşı tərəfin "Şəbnəmdən zəhləm gedir" sözlərini anlamadığını bildirib. O deyib ki, aralarında heç bir mübahisə yaşanmayıb: "Son vaxtlar efirdə haqqımda aqresiv fikir bildirən, insanlar arasında dəyəri olmayan "adamlar" haqqında danışmaq istəmirəm. Bu sözləri mənə dəyərli bir sənətkar, sənətçi söyləsəydi, özümdə bir qəbahət görərdim".