"Manana, sən həmişə oxu, parla..."

"Hamı zəng edirdi ki, haradasan, hara gələk? Amma telefonu kənara qoydum.

Bir ay ərzində hər şeydən uzaqlaşdım. Bir ay sonra hamıya cavab verdim, təşəkkür etdim. Kədərli günü Allah hamıdan uzaq eləsin. Anam getmək zamanını bilirdi. O bilirdi ki, bacım, qardaşım, həyat yoldaşım var. Anam yoldaşımı oğlu kimi qəbul etdi".

Bu sözləri Əməkdar artist Manana Çaparidze televerilişin birində deyib. Anasının vəfatından danışan sənətçi ağır günlər yaşadığını bildirib. 

Manana anasının vəsiyyətini açıqlayıb: "Bir il efirə çıxmadım. Çünki bilirdim ki, ağlayacağam. İndi güclüyəm, anam göydən baxır. O işıq sönmür, mənimlədir. Anam son 7 günündə dedi ki, Manana sən həmişə oxu, parla. Həmişə rəngli geyin. Dedi, bil ki, sən oxuyursansa mən yaşayıram".