Türkan həmyaşıdı ilə evlənmək istəmir

"Bu gün mənim 34 yaşım var. Özümdən 1-2 yaş böyük kişi ilə ailə qurmaq istəmərəm. 45-50 yaşlarında olan kişiyə ərə getmək istəyərəm".
Bu sözləri müğənni Türkan Vəlizadə qonaq olduğu televerilişdə deyib.
Özündən yaşca böyük kişi ilə ailə qurmaq istədiyini söyləyən müğənni bildirib ki, 45-50 yaş kateqoriyasında olan kişilər dünyagörmüş, ailəcanlı olurlar.
O, ailə qurmaq üçün kişinin daha yaşlı olmasının tərəfdarı olduğunu söyləyib: "Məndən yaşca kiçik və həmyaşıdımla evlənmərəm. Ailə quranda onu idarə etmək lazımdır. Bunun üçün isə yaş və təcrübə çox önəmlidir. Maddiyyat və mənəvi zənginlik də önəmlidir".