"Avroviziya"dan uzaqlaşdırıldı

Niderlandı təmsil edən müğənni Joost Klein "Avroviziya" Mahnı Müsabiqəsindən uzaqlaşdırılıb.

Bu barədə Hollandiya Yayım Korporasiyası (NOS) məlumat yayıb.

Kleinin yarışmadan çıxarılmasına səbəb olan dəqiq hadisə hələ ictimaiyyətə açıqlanmayıb. Avropa Yayım Birliyi (EBU) sənətçi ilə bağlı araşdırmalara başlayıb.

Versiyalardan biri iddia edir ki, Klein fotoqraflardan biri ilə qarşıdurmaya düşüb. Digər qeyri-rəsmi məlumata görə, hollandiyalı iştirakçı "Avroviziya" təşkilatçısı olan Avropa Yayım Birliyinin nümayəndəsi ilə dalaşıb.

Xatırladaq ki, Klein ölkəsini yarışmada "Europapa" mahnısı ilə təmsil edirdi. O, finala vəsiqə qazananlar arasında yer alırdı.