Diananın libası hərraca çıxarılır

Mərhum Şahzadə Diananın libasları Amerikada hərraca çıxarılır.
Bu, 1997-ci ildən bəri şahzadə Diananın əşyalarının ən böyük hərrac olacaq.
İyunun 27-də Los-Ancelesdə keçiriləcək tədbirdə Diana və digər kral üzvlərinə məxsus 150-dən çox əşya təqdim olunacaq.
Satılacaq ən diqqətçəkən əşyalardan biri də Şahzadənin 1986-cı ildə “Phantom of the Opera” musiqili filminin premyerasında geyindiyi paltardır. Libasın 200 min ilə 400 min dollar arasında satılacağı gözlənilir.
"Flamenko" üslublu gecə və "Catherine Walker" tərəfindən hazırlanmış çiçəkli paltar hərracın diqqətçəkən hissələri arasındadır. Güllü paltarın 100 min dollardan 200 min dollara satılacağı təxmin edilir.