Ramal atasına görə kövrəldi

Müğənni Ramal İsrafilov televerilişin birində qonaq olub.

Televeriliş zamanı ifaçının mərhum xanəndə atası Əliyaqub İsrafilovun arxiv görüntüləri yayımlanıb. Ramal kadrları izləyərəkən göz yaşlarını saxlaya bilməyib.

O, ağır günündə yanında olmayan dostları haqda bunları deyib: "Başım qarışıq oldu. Ümumiyyətlə, bu mövzu haqda çox danışmaq istəmirəm. O anda gözümə heç nə görünmürdü. Ailəmiz, qardaşlarım, Şamaxı və Şirvan camaatı yanımda idi. Sənət dostlarım da var idi. Gələnlər də, gələməyənlər də sağ olsunlar. Bu elə mövzudur ki, bütün canlılar üçün hazırlanmış bir yoldur. İnsanları qınamaq istəmirəm. Sənətimizin “şahı” Alim Qasımov sağ olsun, bizim yanımızda idi. Mən hələ də atamı axtarıram. Pis çıxmasın, amma gəlməyənlər mənə maraqlı deyillər. Atam mənim üçün ölməyib. Onun sənəti o qədər böyük idi ki, atamız idi".

Xatırladaq ki, Əliyaqub İsrafilov ötən ilin dekabrında vəfat edib. O, Xalq artisti Mələkxanım Eyubovanın qardaşıdır.