Ayan mahnının halallığını alıb - VİDEO

Müğənni Ayan Babakişiyeva həmkarı Nuranın ifasından sonra “Çağır məni” mahnısından danışıb.

O, bununla bağlı sosial şəbəkədə paylaşım edib.

“Əslində bu videonu paylaşmağımın səbəbi var. Həmkarlarım da özünəməxsus ifa edib, yeni nəfəs veriblər. Ancaq bu mahnını mən ve mənim kimi Baloğlan Əşrəfovun sevənləri onun ifasında sevdi, dinlədi. “Çağır məni” mahnısı üçün Baloğlan müəllimin özü ilə danışdım. Hələ də xatırlayıram, görüntülü danışdıq və halallığını aldım. Hətta ilk dəfə “Maşın Şou”da təqdim etdik və bir gecədə yeniden sevildi. Bu gün başqa janrlarda dinləmək mənə də çox xoşdu”, -  A.Babakişiyeva bildirib.

Xatırladaq ki, sözügedən mahnını mərhum Əməkdar artist Baloğlan Əşrəfovdan sonra Ayan Babakişiyeva, Üzeyir Mehdizadə, son olaraq isə Nuran səsləndirib.