Kardaşyan hindliləri təhqir edib - FOTO

Hindistanlı milyarder, iş adamı Mukeş Ambaninin 28 yaşlı oğlu Anant Ambaninin və nişanlısı Radika Merçantın toyu ilə bağlı müzakirələr bitmir.

Bu il iyulun 11, 12 və 13-də baş tutan ən mühüm şənliklərə 14 minə yaxın qonaq dəvət olunub. Onların arasında Kim və Xlo Kardaşyan da yer alıb. Bu dəfə dünya mediası Kim Kardaşyanın geyimini müzakirə edib. Kim toya 3 fərqli tərzdə qatılıb. Onlardan ikisi parlaq qırmızı rəngdə olub. Onun qırmızını seçməsi tənqid edilib. Çünki hind toylarında qırmızı gəlin üçün qorunan simvolik rəng hesab olunur.

Buna görə də bəziləri 43 yaşlı Kim Kardaşyanı mədəni adət-ənənələrə hörmətsizlikdə günahlandırıb. Hindlilər Kardaşyanın onları bu addımla təhqir etdiyini vurğulayıblar.

"Hindistanda toya qırmızı geyinmək adət deyil”, “Qırmızı geyinmək olmaz. Hindu toyu xristian toyunda ağ geyinməklə eynidir?”, “Mən meksikalıyam və hətta bilirəm ki, hind toyunda qırmızı geyinməməlisən" kimi şərhlər sosial mediada yazılıb.

Onun paltarları açıq-saçıqlığına görə də bəyənilməyib. İstifadəçilər "Hindistanda bir toya gedəndə bu cür geyinmək olmaz", "Bu qədər açıq libas Hindistan üçün deyil". kimi tənqidi rəylər yazıblar.

Anant və Radhika toyuna qatılmaq üçün Kim hind dizaynerlərindən - Qaurav Qupta və Maniş Malhotradan paltar seçib.