Lətifə bir qız üçün yardım istəyib - VİDEO

Müğənni Lətifə Soyuöz paylaşımı ilə diqqət çəkib.

Sənətçi dostlarına səslənərək yerimə qabiliyyətini itirən bir qız üçün yardım istəyib. Lətifə bildirib ki, qızın müalicəsinin birinci mərhələsinin məbləğini özü və ailəsi ödəyib: "Bir neçə ay əvvəl bir video gördüm. Yardım edərkən bunu paylaşmağı sevmirəm. Amma ana bunu etməyimi istədi. Ananın və övladın hekayəsi üzücü olsa da, ümid hər zaman var. Bir evdar xanım tort bişirir və satır, əməyi ilə yaşayır. Övladı Fidan dərsdən qayıdarkən yolu keçəndə qəza keçirdir və gəzmk qabiliyyətini itirir. Bir niyyətimiz var ki, uşağı ayağa qaldıraq. Reabilitasiya Azərbaycandan kənardır, bunu mən və ailəm qarşıladı. Amma digər mərhələlər də var: Sankt-Peterburqda və Moskvada müalicə olmalıdır. Buradan bütün dostlarıma səslənirəm: gəlin, bərabər dəstək olaq. Kim nə bacarırsa yardım eysin".