Bollivud aktyoru bıçaqlanıb

Məşhur Bollivud aktyoru Saif Əli Xan bıçaqlanıb.
Hadisə təqribən iki həftə əvvəl aktyorun Mumbaydakı evində baş verib. Bildirilib ki, onun evinə naməlum şəxs daxil olub. Tərəflər arasında baş verən dava nəticəsində Xan çoxsaylı bıçaq xəsarətləri alıb. O, xəstəxanaya yerləşdirilib. Əməliyyat olunan aktyorun səhhəti ilə bağlı məlumat verilməyib.
Xanın ailəsi hadisə ilə bağlı açıqlama verməyib. Lakin naməlum şəxsin evə oğurluq məqsədi ilə girdiyi deyilir.
Xatırladaq ki, Xan məşhur aktrisa Karina Kapurla evlidir. Onların birgə 2 övladı var. Xanın ümumilikdə dörd uşağı var.