Serialın aktrisası döyüldü
Rusiyalı aktrisa Kristina Kulişenko Sankt-Peterburqdakı pabların birində döyülüb.
Məlumata görə, Kulişenko dostu olan gənc oğlanla paba gəlib. Ehtimal edilir ki, gənc həddindən artıq spirtli içki qəbul edib və digər müştəriləri təhqir etməyə başlayıb. Buna görə onları çölə çağıraraq döyməyə başlayıblar.
Həmin şəxslər aktrisanın üzünə iki dəfə zərbə vurublar. O, xəsarətlərlə xəstəxanaya yerləşdirilib. Klinikada K.Kulişenkoya qançırlar və hematomalar diaqnozu qoyulub.
Xatırladaq ki, aktrisa məşhur “Onegin”, “Dəniz şeytanları”, “Lixaç-4” və “Kürəkən” filmlərindəki rolları ilə tanınır.